एजेन्सी । आईसीसी टी २० विश्वकप क्रिकेट प्रतियोगितामा श्रीलंकाले दोस्रो जित हात पारेको छ । यूएईको आबुधाबीमा बिहीबार राति भएको सुपर १२ अन्तर्गतको पाँचौ खेलमा साविक विजेता वेस्ट इन्डिजलाई २० रनले हराउँदै श्रीलंकाले दोस्रो जित निकालेको हो ।
श्रीलंकाले वेष्ट इन्डिजलाई १९० रनको लक्ष्य दिएको थियो । वेस्ट इन्डिजले ८ विकेट गुमाउँदै १६९ रन मात्रै बनायो । वेस्ट इन्डिजका सिमरोन हिटम्यानले सर्वाधिक ८१ रन बनाएका थिए । तर उनी एक्लैको यो स्कोरले वेस्ट इन्डिजको हार टार्न सकेन । श्रीलंकाका वानिन्दु सिल्भा, विनुरा फर्नान्डो र चमिका करुणारत्नेले दुईरदुई तथा दुसमन्था चमिरा र दासुन सनकाले एक–एक विकेट लिए ।
यसअघि पहिले ब्याटिङ गरेको श्रीलंकाले २० ओभर खेल्दै तीन विकेट गुमाएर १८९ रन बनाएको थियो । श्रीलंकाका लागि चरिथ असालांकाले ६८ रनको बनाए भने पाथुम निसांकाले ५१ रनको योगदान गरे । वेस्ट इन्डिजका आन्द्रे रसेलले दुई र ड्वायन ब्राभोले एक विकेट लिए ।
श्रीलंकासँग पराजित भएको वेष्ट इन्डिज समूह चरणबाटै बाहिरिएको छ । चार खेल खेलको वेष्ट इन्डिजले एक खेलमात्रै जितेको छ । बाँकी एक खेल जिते पनि वेष्ट इन्डिजको अघिल्लो चरणको सम्भावना सकिएको छ ।
प्रतिक्रिया दिनुहोस
एजेन्सी
शुक्रबार, १९ कार्तिक २०७८, ०८ : ३६
लेखकबाट थप
सम्बन्धित समाचारहरु
श्रीलंकामा नेपाली अलैंची चर्चा, अर्थतन्त्रमा योगदानबारे बहस
श्रीलंकाका विदेशमन्त्री नेपाल आउँदै
श्रीलंकामा पदयात्राका क्रममा अलपत्र परेका १८० विद्यार्थीको उद्धार
अदालतले पुनःस्थापना गर्यो निलम्बित श्रीलंकाली क्रिकेट बोर्ड
विश्वकप क्रिकेट : श्रीलंकाद्वारा पाकिस्तानलाई ३४५ रनको लक्ष्य
श्रीलंकाले निजी विश्वविद्यालयमा पढ्न निर्ब्याजी ऋण दिने