माधव नेपालले खोले आफूलाई छोडेका दोस्रो पुस्ताका गोप्य कुरा

सफल खबर संवाददाता

शनिबार, १२ भदौ २०७८, १९ : १८
माधव नेपालले खोले आफूलाई छोडेका दोस्रो पुस्ताका गोप्य कुरा

काठमाडौं । नेकपा एकीकृत समाजवादीका अध्यक्ष माधवकुमार नेपालले आफूलाई छाडेका दोस्रो पुस्ताका गोप्य कुराहरु खोलेका छन् । पेशागत महासंघ नेपाल, बाग्मती प्रदेशले शनिबार गरेको जिल्लास्तरीय भेलामा एकीकृत समाजवादीका अध्यक्ष नेपालले दोस्रो पुस्ताले नै आफूलाई साथ दिने र पार्टी खोल्न दबाब दिएको बताए । 

CG Developers Tansen Cement box

माधव नेपालले भने, ‘आफूलाई आजै पार्टी खोलौं, भोलि पार्टी खोलौं भन्ने दबाव दिएर निर्वाचन आयोगमा दुई वटा पार्टी समेत दर्ता गराए । आज उनै दोस्रो पुस्ता मसँग छैनन् ।’ दोस्रो पुस्ताका नेताहरुले अर्को पार्टी बनाइराखौं, कुनै बेला घोषणा गर्नुपर्छ भनेर पार्टी दर्ता गराएको माधव नेपालको भनाइ थियो । 

उनले भने, ‘नेपाल कम्युनिस्ट पार्टी एकीकृत । कलम चुनाव चिह्न भएको पार्टी यही दोस्रो पुस्ताका नेताले खोलेका हुन् । नेपाल कम्युनिस्ट पार्टी लोकतान्त्रिक पनि निर्वाचन आयोगमा दर्ता भएको छ । दोस्रो पुस्ताकै नेताले खोलेका हुन् ।’

नेपालले दोस्रो पुस्ताका नेताहरुले आफूलाई धोका दिएको आशय व्यक्त गरेका छन् । उनले भनेका छन्, ‘मलाई घचेटेर अगाडि बढ भने, पछाडि हेर्छु त कोही पनि छैन ।’ भोलि पार्टी फुटाऔं भन्ने नेताहरुको पोजिसन परिर्वतन भएको देख्दा अचम्म लागेको नेपालको भनाइ छ । 

प्रतिक्रिया दिनुहोस