१४ बर्षीया बालिकालाई बलात्कार गरेको आरोपमा युवा पक्राउ

धनकुटा । १४ बर्षीया बालिकालाई बलात्कार गरेको आरोपमा धनकुटाको साँगुरीगढी गाउँपालिकाका एक युवा पक्राउ परेका छन् । बालिका बलात्कार आरोपमा साँगुरीगढी–८ का २५ बर्षीय भिषण राईलाई प्रहरीले गत बुधबार पक्राउ गरेको हो ।

प्रहरीका अनुसार घटना गत जेठ २४ गतेको हो । पीडित पक्षले जेठ ३१ गते जिल्ला प्रहरी कार्यालयमा किटानी जाहेरी दिएका थिए । त्यसपछि फरार भएका राईलाई वुधबार गाउँबाटै पक्राउ गरिएको जिल्ला प्रहरी कार्यालयका प्रवक्ता डिएसपी सन्तुलाल जैसवालले जानकारी दिए ।

‘आफन्तको बाट घर फर्कने क्रममा राती करिब ९ बजे हात समातेर तान्दै मकैवारीमा लगेर बलात्कार गरेको रहेछ,’ डिएसपी जैसवालले भने, ‘घटनापछि फरार भएका राईलाई हामीले गाउँमै फेला पारेर पक्राउ गरी कारबाही प्रकृया अघि बढाएका छौ ।’