एजेन्सी । उत्तर कोरिया आगामी केही महिनामा भोकमरीको समस्यामा पर्ने भएको छ । त्यहाँका सर्वोच्च नेता किम जोङ उनले बाढी, कोरोनाभाइरस महामारी तथा अन्तर्राष्ट्रिय नाकाबन्दीका कारण खाद्यान्नको संकट आउन लागेको चेतावनी दिएका छन् ।
किमले मंगलवार वर्कर्स पार्टीको केन्द्रीय कमिटीको बैठक बोलाएर ताजा परिस्थितिको मूल्यांकन गराएका थिए । खाद्यान्नको अभावलाई समाधान गर्ने काम शीर्ष प्राथमिकतामा रहेको उनले बताए ।
‘विशेषगरी खाद्यान्नको परिस्थिति तनावग्रस्त बन्दैछ किनकि बाढीका कारण कृषि क्षेत्रले खाद्यान्न उत्पादन गर्न सकेन,’ किमले बताए । ‘पार्टी र राज्यले कृषिमा जोड दिनुपर्नेछ ।’
उत्तर कोरियाको अर्थतन्त्र समस्यामा रहेको कुरा कुनै रहस्य हैन तर किम आफैंले सार्वजनिक रूपमा खाद्यान्न अभावलाई स्वीकार गर्नु असाधारण कुरा हो ।
किमले दुई महिनाअघि पार्टीलाई जनताको आर्थिक पीडा हल गर्नका लागि कठिन परिश्रम गर्न निर्देशन दिएका थिए । उनले त्यतिखेर प्रयोग गरेको शब्द आर्डुअस मार्च सन् १९९० को दशकमा भएको भयंकर भोकमरीका बेलामा सुनिएको थियो । यसले उत्तर कोरियामा खाद्यान्न संकट भयावह स्थितिमा पुगेको संकेत दिएको छ ।
प्रतिक्रिया दिनुहोस
एजेन्सी
शुक्रबार, ०४ असार २०७८, १४ : १६
लेखकबाट थप
सम्बन्धित समाचारहरु
उत्तर कोरियाको चेतावनीः अमेरिका–दक्षिण कोरिया सैन्य अभ्यासले ‘महँगो मूल्य’ चुकाउनु पर्छ
उत्तर कोरियाले योनप्योङ टापुतर्फ २०० राउण्ड फायर गरेपछि...
उत्तर कोरियाले सन् २०२४ मा थप तीनवटा जासुसी उपग्रह प्रक्षेपण गर्ने
उत्तर कोरिया अब विश्वलाई प्रहार गर्नसक्ने सैन्य क्षमताले सुसज्जित छ : किम
उत्तर कोरियाली हतियार रुसलाई हस्तान्तरण भएकामा जी–७ ले गर्यो निन्दा
नेपालस्थित दूतावास बन्द गर्ने उत्तर कोरियाको निर्णय