काठमाडौं । पाकिस्तानमा भोलि बिहीबारदेखि कोरोनाभाइरस विरुद्धको खोप लगाउन नाम दर्ता शुरु गरिने भएको छ ।
कोरोनाभाइरसको तेस्रो चरणको महामारीमा मानवीय क्षति न्यूनिकरण गर्ने उद्देश्यले खोप लगाउने अभियान शुरु गर्न लागिएको सरकारी उच्च अधिकारीले बताएका छन् । पाकिस्तानका केन्द्रीय योजना, विकास मन्त्री असद उमारले बिहीवारदेखि कोरोना विरुद्धको खोप लगाउनका लागि नामावली दर्ता गराउन थालिने बुधबार जानकारी दिए।
सामाजिक सञ्जाल ट्वटरमार्फत उहाँले नेस्नल कमाण्ड तथा अपरेसन सेन्टर (एनसीओसी)ले नामावली दर्ता गराउने जानकारी दिनुभएको हो । “एनसीओसीको आजको बैठकले भोलि बिहीबारदेखि नाम दर्ताशुरु गर्ने निर्णय गरेको छ,” उहाँले ट्वीटरमा लेख्नु भएको छ ।
खोप १९ वर्ष वा सोभन्दा माथिका सबैलाई लगाउने योजनाअनुसार सोही उमेर समूहका व्यक्तिको मात्रै नाम दर्ता गराइने उनले बताए । खोप अभियानले कोरोनाभाइरसबाट हुने क्षति न्यूनिकरण गर्न धेरै सहयोग गर्ने सरकारी अधिकारीले विश्वास व्यक्त गरेका छन् ।
प्रतिक्रिया दिनुहोस
एजेन्सी
बुधबार, १२ जेठ २०७८, २० : २९
लेखकबाट थप
सम्बन्धित समाचारहरु
हुम्लामा ८२ प्रतिशत बालबालिकाले लगाए खोप
काठमाडौँमा दुई लाख बढी बालबालिकाले लगाए रुबेला–दादुराविरुद्धको खोप
आज देखी देशब्यापी रूपमा दादुरा-रुवेलाको खोप लगाइदैँ
वीरगन्ज महानगरमा दादुरा–रुबेला खोप अभियान फागुन १३ देखि सुरु हुँदै
पाठेघरको मुखको क्यान्सर विरुद्ध २० हजार किशोरीलाई खोप
दादुरा–रुवेला विरुद्धको खोप फागुन दोस्रो सातादेखि