काठमाडौं । नेकपा एमालेभित्रको विवाद समाधान गर्न आज पनि अध्यक्ष केपी शर्मा ओली र वरिष्ठ नेता माधवकुमार नेपालबीच आज पनि छलफल हुने भएको छ । छलफलको समय र ठाउँ तय भइसकेको छैन ।
गत शुक्रबार दुवैतर्फका नेतासहित छलफल गरेका अध्यक्ष ओली र वरिष्ठ नेता नेपालले आज त्यसैलाई निरन्तरता दिन लागेका एमालेका एक नेताले बताए । शुक्रबारको छलफलमा रामबहादुर थापा बादल पनि सहभागी भएका थिए, जसका कारण माधव नेपाल पक्षले आशंका प्रकट गरेका थिए । माधव नेपाल पक्षका सांसदहरुले छलफलमा बादललाई नराख्न नेपाललाई सुझाव दिएका थिए ।
_20231127105311.gif)
ओली नेपाललगायतको सहभागितामा आज हुने छलफलमा कार्यदलमा रहने सदस्यको टुङ्गो लगाइने एमालेका उपनेता सुवास नेम्वाङले जानकारी दिए । गत शुक्रबार सिंहदरबारमा भएको छलफलले जेठ २ लाई आधार बनाएर पार्टीभित्रका समस्या समाधान गर्ने र त्यसका लागि दुई नेतालाई कार्यदलमा रहने सदस्यहरुको टुंगो लगाउने जिम्मा दिएको थियो ।
प्रतिक्रिया दिनुहोस
सफल खबर संवाददाता
आइतबार, ०२ जेठ २०७८, ०९ : ३२
लेखकबाट थप