भारतमा कोरोना संक्रमण भयावह :  २४ घंटामा १५ सय जनाको मृत्यु, २ लाख ६१ हजार बढी संक्रमित

एजेन्सी

आइतबार, ०५ बैशाख २०७८, १० : ०७
भारतमा कोरोना संक्रमण भयावह  :  २४ घंटामा १५ सय जनाको मृत्यु, २ लाख ६१ हजार बढी संक्रमित

एजेन्सी । । भारतमा कोरोना संक्रमणको अवस्था दिन प्रति दिन भयावह बन्न थालेको छ । बितेको २४ घण्टामा देशभरि १५ सय भन्दा धेरै संक्रमितको मृत्यु भएको छ । स्वास्थ्य मन्त्रालयका अनुसार एकै दिन १५०१ जना संक्रमितको मृत्यु भएको हो ।

त्यस्तै बितेको २४ घंटामा २ लाख ६१ हजार ५०० जना नयाँ संक्रमित थपिएका हुन्। एकैदिन नयाँ संक्रमित भेटिनेको संख्या दिनप्रति दिन नै नयाँ रेकर्ड बनाउन थालेको छ । योसँगै भारतमा कोरोना संक्रमित हुनेको कुल संख्या १ करोड ४७ लाख ८८ हजार भन्दा धेरै पुगेको छ।

हालसम्म भारतमा कोरोना संक्रमणले ज्यान गुमाउनेको संख्या १ लाख ७७ हजार १५० पुगेको छ । भारतमा अहिले सक्रिय कोरोना संक्रमितको संख्या १८ लाख भन्दा धेरै छ। एक करोड २८ लाख भन्दा धेरै संक्रमणमुक्त भएका छन्।

प्रतिक्रिया दिनुहोस