बेलायतमा कोरोना संक्रमण भयावह : एक सातामै २१६ जनाको मृत्यु

काठमाडौं । बेलायतमा अप्रिल २ देखि अप्रिल ८ तारिखसबीचको एकसाताभित्र २१६ जना कोरोना संक्रमितको मृत्यु भएको छ । अघिल्लो साताको तुलनमा मृतक संख्या ३२।५ प्रतिशले ह्रास आएको  ‘डिपार्टमेन्ट अफ हेल्थ एण्ड सोशल केयर’ ले उल्लेख गरेको छ ।

बेलायतमा पछिल्लो २४ घन्टामा ५३ जना कोरोना संक्रमितको ज्यान गएको छ । योसंगै कोरोना संक्रमणका कारण बेलायतमा मृत्यु हुनेको संख्या एक लाख २६ हजार ९८० पुगेको छ ।

यसैगरी  बेलायतमा पछिल्लो एकसातामा २० हजार ५६ जनामा कोरोनाभाइरस संक्रमण पुष्टि भएको छ । संक्रमित संख्यामा  पनि अघिल्लो हप्ताको तुलनामा ३७।३ प्रतिशतले ह्रास आएको हो ।

बितेको २४ घन्टामा तीन हजार ३० जना नयां संक्रमित थपिएका छन् । थपिएका नयाँ  संक्रमितको बेलायतमा कोरोना संक्रमितको संख्या ४३ लाख ७० हजार ३२१ पुगेको छ । गएको केहि दिनयता संक्रमित संख्या तीन हजार भन्दा कम रहँदै आएको छ ।