कोलकाताको रेलवे कार्यालय रहेको भवनमा आगलागी, नौ जनाको मृत्यु

एजेन्सी । भारतको कोलकातास्थित एक भवनमा आगलागी हुँदा ९ जनाको मृत्यु भएको छ। आगलागी भएको भवन  रेलवेको कार्यालय रहेको बताइएको छ ।

स्ट्रन्ड सडक क्षेत्रस्थित भवनको १३ औं तलामा राति भएको भीषण आगलागीमा परी ४ जना दमकलकर्मी, २ जना रेल्वेकर्मी सहित ९ जनाको मृत्यु भएको भारतीय सञ्चारमाध्यमले जनाएका छन्  ।

मृत्यु हुनेहरुको संख्या अझै बढ्न सक्ने उनीहरुको भनाइ छ। हालसम्म आगलागीको कारण भने थाहा हुन सकेको छैन। मृतक तथा घाईतेहरुलाई राज्य तथा केन्द्रिय सरकारले राहत उपलब्ध गराएको छ ।