नेकपा प्रचण्ड–माधव समूह चितवनले प्रधानमन्त्रीलाई बुझायो ज्ञापनपत्र

चितवन । प्रतिनिधिसभा विघटनको विरोधमा नेपाल कम्युनिष्ट पार्टी चितवनले सरकारलाई ज्ञापनपत्र बुझाएको छ ।

चितवनमा संसद विघटनविरुद्ध दोस्रो चरणको आन्दोलनमा उत्रिएको नेकपाको (प्रचण्ड–माधव) पक्षले शुक्रबार जिल्ला प्रशासन कार्यालयमार्फत प्रधानमन्त्री केपी शर्मा ओलीलाई ज्ञापनपत्र बुझाएको हो । 

नेपाल कम्युनिष्ट पार्टी चितवनका अनुसार संसद भंग गर्ने प्रधानमन्त्रीको निर्णयको विरोध गर्दै पुर्व घोषित कार्यक्रमअनुसार काठमाडौँसहित ७७ वटै जिल्लामा  प्रधानमन्त्रीलाई विरोधपत्र बुझाउने निर्णय अनुसार चितवनले ज्ञापनपत्र बुझाएको हो ।

ज्ञापनपत्रसंगै प्रधानमन्त्रीलाई संविधानको पुस्तकसमेत दिइएको छ, साथै राष्ट्रका नाममा क्षमायाचनासहित गलत कदम सच्चाउन अनुरोध गरिएको छ ।