शेरधन राईले १५ जना सांसद्लाई निलम्बन गरे

सफल खबर संवाददाता

विहीबार, १६ पुस २०७७, १५ : ०२
शेरधन राईले १५ जना सांसद्लाई निलम्बन गरे

विराटनगर । प्रदेश नम्बर १ का मुख्यमन्त्री शेरधन राईले १५ जना सांसद्लाई निलम्बन गरेका छन्। केपी ओली समूहमा रहेका राईले कसैलाई जानकारी नै नगराई मुख्यमन्त्रीविरुद्ध अविश्वासको प्रस्तावमा हस्ताक्षर गर्ने १५ जना सांसदलाई तीन महिनाका लागि निलम्बन गरेका हुन्।

राईले मुख्यमन्त्रीविरूद्ध अविश्वासको प्रस्तावमा हस्ताक्षर गर्नेमध्ये १९ जनालाई स्पष्टिकरण लिएका छन् । लिएका मध्येबाट १५ जनालाई निलम्बन गरिएको हो।

निलम्बन पर्नेमा प्रदेश सांसद् भीमप्रसाद आचार्य, जीवन घिमिरे, ईन्द्रबहादुर आङ्बो, विजयकुमार विश्वास, सावित्राकुमारी रेग्मी, उपेन्द्र घिमिरे, लिलावल्लभ अधिकारी, राजेन्द्रकुमार राई , यशोधा अधिकारी, लछुमन तिवारी, मोहन कुमार खड्का, कुलप्रसाद साम्बा, धिरेन्द्र शर्मा, टंक आङबुहाङ, कुसुम कुमारी श्रेष्ठ छन् ।

अविश्वासको प्रस्तावमा हस्ताक्षर गर्ने चार जना सांसद तुलसीप्रसाद न्यौपाने, उषाकला राई, झलकबहादुर मगर र रामकुमार राईले मौखिक जवाफ दिएकोले कारबाही नगरेको उनले जानकारी दिए।

प्रतिक्रिया दिनुहोस