एजेन्सी । अमेरिकाका नवनिर्वाचित राष्ट्रपति जो बाइडेन आफ्नो कुकुरसंग खेल्ने क्रममा चिप्लेर घाइते भएका छन् । शनिबार घाईते भएको उनको उपचारको क्रममा आइतबार डाक्टरहरुले जारी गरेको विज्ञप्ति अनुसार बाइडेनको खुट्टामा ‘हेयरलाइन फ्र्याक्चर’ भएको केही हप्तासम्म ‘वाकिङ बुट’ आवश्यक पर्ने बताइएको छ ।
‘प्रारम्भिक एक्स रेमा फ्र्याक्चर नदेखिएपनि विस्तृत क्लिनिकल परीक्षणमा हेयरलाइन फ्र्याक्चर देखिएको थियो,’ डा. केभिन ओ’कोनरले भनेका छन् ।
यसअघि बाइडेनको अफिसले कुकुरसँग खेल्दा कुर्कुचा मर्किएपछि डाक्टरसँग जाँच गराउने बताएको थियो ।आइतबार साँझ राष्ट्रपति डोनाल्ड ट्रम्पले ट्वीट गर्दै बाइडेनको स्वास्थ्यलाभको कामना गरेका छन् ।
प्रतिक्रिया दिनुहोस
एजेन्सी
सोमबार, १५ मंसिर २०७७, ०९ : ५२
लेखकबाट थप