चार प्रयोगशालालाई २४ घन्टे स्पष्टीकरण

पत्रपत्रिकाबाट

सोमबार, ०८ मंसिर २०७७, ०७ : ५७
चार प्रयोगशालालाई २४ घन्टे स्पष्टीकरण

काठमाडौं । स्वास्थ्य मन्त्रालयले पीसीआर परीक्षण गर्ने काठमाडौं उपत्यकाका स्टार अस्पताल, सेन्ट्रल डाइग्नोस्टिक ल्याबोरोटरी, सुरिया हेल्थ केयर र ह्याम्स अस्पताललाई २४ घन्टे स्पष्टीकरण सोधेको छ ।

 सबै प्रयोगशालाले रिपोर्ट नेगेटिभ आएमा एक महिना र पोजिटिभ आएमा ३ महिनासम्म स्वाबको नमुना भण्डारण गरी राख्नुपर्ने मापदण्ड छ । तर तोकिएको समयसम्म भण्डारण नगरेको पाइएपछि स्पष्टीकरण सोधिएको मन्त्रालयका प्रवक्ता डा. जागेश्वर गौतमले बताए । 

सरकारबाट स्वीकृतिप्राप्त प्रयोगशालामा पीसीआर परीक्षण गरी कोरोना नेगेटिभ आएको रिपोर्ट लिएर हङकङ, दुबई र जापान गएका व्यक्तिको त्यहाँ पुनः परीक्षण गर्दा रिपोर्ट पोजिटिभ आएको भन्दै संस्कृति, पर्यटन तथा नागरिक उड्डयन मन्त्रालयले स्वास्थ्य मन्त्रालयलाई पत्राचार गरेपछि मन्त्रालयले छानबिन अघि बढाउँदा स्वाबका नमुना फेला नपरेका हुन् । कान्तिपुर दैनिकमा खबर छ ।

प्रतिक्रिया दिनुहोस