पशुपति क्षेत्रको अतिक्रमण स्वीकार्न नसकिने : मन्त्री भट्टराई

काठमाडौं। संस्कृति, पर्यटन तथा नागरिक उड्डयनमन्त्री योगेश भट्टराईले व्यापारिक स्वार्थका कारण पशुपति क्षेत्रमा भइरहेको अतिक्रमण स्वीकार्न नसकिने बताएका छन् ।  

पशुपति वरपरका स्थानीयहरूले पशुपति क्षेत्र विकास कोषले ल्याएको गुरूयोजनाको विरोध गरिरहेका बेला मन्त्री भट्टराईले व्यक्तिगत र व्यापारिक स्वार्थमा पशुपतिमाथि भइरहेको अतिक्रमणलाई स्वीकार्न नसकिने बताए । 

‘पशुपति क्षेत्रको ऐतिहासिक, सांस्कृतिक तथा पुरातात्विक पक्षको संरक्षण र सम्वर्द्धन गरिनेछ। स्थानीय जात्रा र पर्वको जगेर्ना गरिने छ”, मन्त्री भट्टराईले ट्वीटरमा लेखेका छन्, ‘व्यक्तिगत र व्यापारिक स्वार्थमा पशुपतिमाथि भइरहेको मानव अतिक्रमणलाई भने स्वीकार गरिने छैन। कुरा यही हो। सरकारले सबैसँग छलफल गरेर सहमति बनाउनेछ।’