स्रोत नखुलेको नगद ६५ लाखसहित दुई जना पक्राउ

काठमाडौं । महानगरीय प्रहरी वृत्त कालिमाटीले स्रोत नखुलेको नगद ६५ लाख ८ हजारसहित २ जनालाई नियन्त्रणमा लिएको छ । 

प्रहरीले आज दिउसो १५ः०० बजे काठमाडौं महानगरपालिका–१४ कुलेश्वरबाट सोही ठाउँ बस्ने भारतीय नागरीक शंकर सिंह र बारा जितपुरका रमेश सिंहलाई नियन्त्रणमा लिएको छ । 

अवैध नगद कारोवार गर्ने गरेको सुचनाको आधारमा खटिएको प्रहरी टोलीले उनीहरूलाई प्रकाउ गरेको हो । घटना सम्बन्धमा प्रहरीले अनुसन्धान गरिरहेको छ ।