मतदाताको विश्वासलाई चोट पुर्याउने काम बिचौलियाले गरे, अब मलम लाग्छः गोकुल बाँस्कोटा

७० करोड बढी बार्गेनिङको विवादास्पद टेप प्रकरण पछि राजिनामा दिएका गोकुल बास्कोटा लकडाउन बिच आफ्ना मतदाता सामु पुगेका छन् ।

 केहि दिन अगाडी बनेपाको नालामा पुल उद्घाटनमा पुगेका बास्कोटाले आफु दोषी नभएको दावी गरेका थिए । उनले आफ्ना मतदाता सामु विकास र समृद्धिको लागि आफु लागी परेको बताएका थिए ।

त्यस्तै शुक्रबार बनेपाको साँगामा वडा कार्यालयको भवन सिलान्यासमा पुगेका बास्कोटाले दोषी भए आफु सजाय भोग्न तयार भएको बताए ।

उनले भने‘मैले धेरै बोल्नै हुदैन र नबोले पनि हुदैन्ः बोल्लौ नक्कली कथा मञ्चन हुन्छ, नबोलाँै फेरी अर्को कथा बन्छ । आफ्ना मतदाता सामु बास्कोटोले थपे अहिले म न्यायिक परिक्षणमा र सार्वजनिक परिक्षणमा छु । तपाइहरुको जहाँ बिस्वास थियो, त्यो धरमराउनलाइ नक्कली कथा निर्माण भए, तपाइहरुको विस्वासमा चोट पुग्यो, तर म त्यो विस्वासलाइ डगमगाउन दिदिन् ।

कसैको नक्कलि कथाले तपाइको विस्वासलाइ कसै हल्लाउँदैन् । म भ्रष्टचार विरोधी मान्छेलाइ भ्रष्टचारको आरोप लगाइयो अनि मैले दोषी भए कार्वाहि गर भनेर राजीनामा दिएको हुँ ।

म नै पदमा बसेर अनुसन्धान गर भन्न सकिन, अनुसन्धानलाइ सहज होस् भनेर राजीनामा दिएँ । राजीनामा दिनु मेरो कमजोरी होइन् ।