सिद्धबाबामा भीरबाट जीप खस्दा ६  युवक घाइते

रुपन्देही । बुटवल–तानसेन सडकखण्डको सिद्धबाबामा भीरबाट जीप खस्दा ६ जना युवा घाइते भएका छन् ।

पाल्पाबाट बुटवलतर्फ आउँदै गर्दा प्रदेश ३-०१-२२ च ४५२२ नम्बरको डबल क्याप जीप तिनाउ नदीमा अपराह्न खसेको हो ।

प्रदेश नं ५ ट्राफिक प्रहरी कार्यालय बुटवलका अनुसार दुर्घटनामा तिनाउ गाउँपालिका –३ दोभानका दया पाण्डे, शिव पाण्डे, नन्दु बस्याल, विनोद बस्याल, बालकृष्ण बस्याल र कृष्ण बस्याल घाइते भएका छन् । उनीहरु सबैको लुम्बिनी प्रादेशिक अस्पतालमा उपचार भइरहेको छ ।

केही दिनअघि पनि सिद्दबावाबाटै अर्को कार तिनाउ नदिमा खस्दा १ जनाको मृत्यु भएको थियो ।