रुपन्देही । अन्ततः गुल्मीका हेडसर कोरोनासँग हारेका छन् । उनको रुपन्देहीको तिलात्तमास्थित क्रिमसन अस्पतालमा भेन्टीलेटरमा राखेर उपचार हुँदै गर्दा मृत्यु भएको हो । गुल्मी जिल्लाको मदाने गाउँपालिका–६ पुरकोटदह घर भएका ४१ वर्षका पुरुष देउराली आधारभूत विद्यालयका प्रधानाध्यापक थिए । उनै प्रधानाध्यापक कोरोनासँग लड्दालड्दै हारेका छन् । अन्ततः उनलाई कोरोनाले चुँडाएर लगेको छ ।
प्रधानाध्यपकको निधनसँगै मदाने गाउँपालिकाको शिक्षामा ठूलो क्षति पुगेको छ । प्रदेश ५ का सामाजिक विकास मन्त्रालयले प्रधानाध्यापकको निधनप्रति गहिरो समवेदना प्रकट गरेको छ । प्रदेश ५ का सामाजिक विकास मन्त्री सुदर्शन बरालले शोक वक्तव्य निकाल्दै शिक्षा क्षेत्रमा अपुरणीय क्षेति पुगेको जनाएका छन् ।
रुपन्देहीको तिलोत्तमास्थित क्रिमसन अस्पतालमा उपचारत कोरोना संक्रमित पुरुषको आज बिहान मृत्यु भएको छ । यससँगै नेपालमा कोरोना भाइरस संक्रमणबाट मृत्यु हुनेको संख्या ३ पुगेको छ ।
लामो समयदेखि शिक्षण पेशामा आबद्ध रहेका उनी बिरामी भएपछि अर्घाखाँचीको एक मेडिकलमा जाँच गराएका थिए । अवस्था गम्भीर बन्दै गएपछि रुपन्देहीको क्रिमसन अस्पतालमा आएर उपचार गराइरहेका थिए । उनको निधन सोही अस्पतालमा हुन गयो ।
स्वास्थ्य अवस्था नाजुक भएका कारण उनलाई मंगलवार बुटवलको कोरोना विशेष अस्पताल सार्न सकिएको थिएन । कोरोना पुष्टि भएपछि बिरामी सार्ने प्रक्रियामा जोखिम हुनसक्ने भन्दै प्रदेश सरकारका अधिकारीले क्रिमसन अस्पताल प्रशासनलाई अनुरोध गरेपछि उनको त्यहीँ नै उपचार भएको थियो ।
मदाने गाउँपालिकाका अध्यक्ष दानबहादुर केसीले उनलाई कसरी कोरोना संक्रमण भयो भनेर सबै अचम्ममा परेको बताए । ‘उहाँ कहीँ पनि जानुभएको छैन । कसरी संक्रमण भयो अचम्म भएको छ,’ अध्यक्ष केसीले भने, ‘उनको पुनः स्वाब संकलन गरी जाँचको लागि पठाइएको छ । रिपोर्ट आउन भने बाँकी छ ।
हाल मदाने गाउँपालिका शिल गरिएको छ । गाउँका ३० जनाको स्वाब संकलन गरी पीसीआर जाँचका लागि प्रदेश जनस्वास्थ्य प्रयोगशाला भैरहवा पठाइएको छ । उनलाई जाँच गराउँदा जन्डिस र मृगौलाको समस्यासमेत देखिएको थियो ।
प्रतिक्रिया दिनुहोस
सफल खबर संवाददाता
विहीबार, ०८ जेठ २०७७, १४ : ४५
लेखकबाट थप
सम्बन्धित समाचारहरु
एक हप्तामा २८ जनामा कोरोना सङ्क्रमण
सुदूरपश्चिममा सात जनामा कोरोना पुष्टि
थप दुई जनामा कोरोनाको नयाँ भेरिएन्ट जेएन वान् सङ्क्रमण
नेपालमा भेटियो कोरोनाको नयाँ भेरियन्ट
विश्वभर बढे कोरोना संक्रमित, सतर्कता अपनाउन आग्रह
चीनमा पुनः कोरोना : अक्टोबरमा २४ जनाको मृत्यु