महरा भन्छन्  : षडयन्त्रको बिस्तारै पर्दाफास गर्नेछु

काठमाडौं । आफूमाथि षडयन्त्र भएको बताउँदै सो षडयन्त्रको आफूले विस्तारै पर्दाफास गर्दै जाने पूर्व सभामुख कृष्णबहादुर महराले बताएका छन् ।

जिल्ला अदालत काठमाडौँको फैसलाबाट रिहा भएलगत्तै सोमबार साँझ खुमलटारस्थित निवासमा महराले उपरोक्त कुरा बताएको खबर नयाँ पत्रिका दैनिकले छापेको छ । 

‘बलात्कारको आरोपमा मलाई षडयन्त्रपूर्ण ढंगले फसाउने काम भयो, यसको विस्तारै पर्दाफास हुँदै जानेछ’ महराले भने, ‘जसरी फसाउने षड्यन्त्र भयो, मिडियामार्फत विस्तारै पर्दाफास गर्दै जानेछु ।’