काठमाडौँ । आइसीसी क्रिकेट वर्ल्ड कप लिग टु अन्तरगत नेपाल र ओमान बीचको खेल शुरु भएको छ । त्रिभुवन विश्वविद्यालयस्थित क्रिकेट मैदानमा आयोजित एकदिवसीय खेलमा नेपालले टस जितेर पहिले फिल्डिङ रोजेको छ ।
एकदिवसीय मान्यता पाइसकेपछि नेपालले पहिलोपटक घरेलु मैदानमा त्रिकोणात्मक सिरिज खेल्दैछ । नेपालले पहिलो खेल कीर्तिपुरमा ओमानसँग खेल्दै सिरिजको शुरुआत गर्दैछ र यसैबाट सन् २०२३ मा हुने विश्वकपको यात्रा पनि नेपालले शुरुवात गरेको छ ।
खेल शुरु भएसंगै अहिले सम्म ओमानले २५ ओभर खेलिसक्दा ५ विकेटको नोक्सानमा ७० रन बनाउन सफल भएको । यता नेपालका तर्फबाट करण केसी र सुसन भारीले २-२ विकेट लिन सफल भएका छन् भने १ व्याट्सम्यान रनआउट भएका छन् ।
प्रतियोगिता हेर्न ग्राउण्डमा क्रिकेट प्रेमी दर्शकको घुईचो छ । पहिलो पटक आयोजना भएको यो प्रतियोगिताबाट क्रिकेट खेलाडी, प्रशिक्षक, क्यान पदाधिकारीसँगै आम नेपाली क्रिकेटप्रेमी यो सिरिजबाट निकै उत्साहित छन् ।
ओमान सन् २०१२ पछि नेपाल खेल्न आएको छ । सन् २०१३ यता नेपालले उसलाई हराउन सकेको छैन । घरेलु मैदानको फाइदा लिँदै ओमानलाई हराउने दाउमा नेपाल रहेको छ । नेपालले शनिबार अर्को टोली अमेरिकासँग खेल्दैछ । अमेरिका सन् २०१० पछि नेपाल आएको हो ।
प्रतिक्रिया दिनुहोस
सफल खबर संवाददाता
बुधबार, २२ माघ २०७६, ११ : २१
लेखकबाट थप
सम्बन्धित समाचारहरु
नेपाल र चीनबीच दुई महत्वपूर्ण सम्झौतामा हस्ताक्षर
भारतीय लोक सभा निर्वाचन सुरक्षाबारे नेपाल र भारतका अधिकारीहरूबीच छलफल
नेपाल र चीनको सीमा कोरला क्षेत्रमा प्रहरीको संयुक्त गस्ती
नेपाल र कतारबीच के के विषयमा भयो सम्झौता ?
नेपाल-कतारबीच ६ वटा विषयमा समझदारी
नेपाल र कतारबिच दुईपक्षीय वार्ता सुरु