अब के गर्लान् रामचन्द्र पौडेल ?

काठमाडौं । काँग्रेस सभापति शेरबहादुर देउवा र वरिष्ठ नेता रामचन्द्र पौडेल बीचको अन्तरकलह छरपष्ट भएको छ । पौडेल पक्षको बहिष्कारका बीच सभापति देउवाले आफु नेतृत्वको केन्द्रीय कार्यसमितिको म्याद एक वर्ष थप गरेका छन् ।विभाग केही थपेका छन्, तरुण दलको म्याद थप गर्नेसम्मका काम गरेका छन् । पौडेल र देउवा बीचको विवाद मिलाउन नेताहरुले गरेको पटक पटकको वार्ता असफल भएपछि सभापति देउवाले पेलेरै जाने नीति पार्टीमा बनाएका हुन् ।

उनले शुक्रवार केन्द्रीय समितिको बैठक राखेर धमाधम पार्टी निर्णय गराएका हुन् । उनको यो कदम पछि पार्टीमा तेश्रो धारका रुपमा रहेका कृष्ण प्रसाद सिटौलालाई पौडेल नजिक पु¥याएको छ । पौडेल पक्षले सभापतिले पार्टीभित्र संस्थागत गुटबन्दी शुरु गरेको र त्यो पार्टी निर्णय भन्दा पनि आफनो उम्मेदवारी घोषणा गरेको रुपमा अथ्र्याएको छ ।

यसले काँग्रेसभित्रको किचलो थप बल्झिने देखिएको छ । देउवाले पार्टी बैठकमा पौडेल पक्षको बहिष्कारका बावजुद निर्णय गरेर अगाडी बढेपछि संस्थापनइतर पक्षहरु पनि एक जुट भएर प्रतिवादमा उत्रने निर्णणमा पुगेका छन् । शनिबार काँग्रेस महामन्त्री डा. शसांक कोइराला निवासमा वसेको सस्थापन इतर नेताहरुको वैठकले संस्थापनका विरुद्ध पार्टीभित्र सवै पक्षलाई एकतावद्ध वनाएर लैजाने निश्र्कष निकालेको छ ।
 
सभापतिको निर्णय विरुद्ध पौडेल पक्षले जिल्ला सभापति, क्षेत्रिय सभापति र भातृ तथा शुभेच्छुक संस्थाका प्रतिनिधीसंग छलफल गरेर अगाडी बढने निर्णय पनि लिएको छ । पौडेल पक्षले यस अगाडी पनि देउवाले पेलेर जाने नीति बनाए जिल्ला सभापतिहरुको भेला राखेर छलफल गरेर जाने बताउदै आएका थिए । 

एकातिर महाधिवशेनको मिति घोषणा गर्ने र अर्काेतिर विधानमा ब्यवस्था नै नभएका विधागहरु गठन गरेर आफना मान्छे भर्ती गर्न खोजेको पौडेल पक्षको आपत्ति छ । देउवा पक्षले भने पौडेल पक्षको सबै माग पूरा गरिदिएकोले विरोध गरिरहनुको अर्थ नहुने बताएको छ । विभाग गठनमा देउवा पक्षले एकपटक रामचन्द्र पौडेल पक्षसंग विभागमा राख्ने नाम माग गर्ने र नदिएमा पौडेल पक्षका नेताहरुलाई समेत समेटेर घोषणा गरेर जाने तयारीमा देउवा लागेको बताएका छन् ।
 
पौडेल पक्षले भने पार्टी सरकार र नेकपाका विरुद्ध जाइलाग्नु पर्नेमा सभापति आफ्नै पार्टी नेताहरुमाथी जाइलाग्न थालेको वताएको छ । यसका विरुद्द केही समय पछि नै जिल्ला सभापति, क्षेत्रिय सभापति हुदै तल्लो तहमा आफना कुरा लिएर जाने योजना पौडेल पक्षले बनाएको छ ।