चितवन । नेपाली काँग्रेसले आइतबार चितवनमा बिजय उत्सव मनाएको छ ।
शनिवार भएको उपनिर्वाचनमा भरतपुर महानगर १६ सहित चितवनका ३ वटा वडामा नै नेपाली कांग्रेसले जितेपछि त्यसैको खुसियालीस्वरुप भरतपुरको चौबिसकोठीदेखि पुलचोकसम्म बिजय र्यालीको आयोजना गरि कांग्रेसले बिजय उत्सव मनाएको हो । महानगरका बिभिन्न वडाबाट आएका कार्यक्रताहरु चैबिसकोठीमा जम्मा भई पुलचोकसम्म र्यालि निकालेर बिजय उत्सव मनाएका थिए ।
नेपाली कांग्रेसका जिल्ला सभापति जितनारायण श्रेष्ठले सभालाई सम्बोधन गर्दै चितवनको भरतपुर १६ लाई कांग्रेसले निकै महत्वपूर्ण रुपमा लिएको बताउँदै यो जितले नेकपा सरकारलाई जनताले ठूलो पाठ सिकाएको बताउनुभयो । उहाँले हाल नेपाली जनता मुल्यबृद्धि, कर बृद्धिबाट आजित भएका कारणले गर्दा नेकपाको बिकल्पमा नेपाली कांग्रेस रोजेको बताउनुभयो । बिजय र्यालिलाई सम्बोधन गर्दै श्रेष्ठले अघिल्लो निर्वाचनमा नेकपालाई दाईजो दिएको वडा अहिले आफुहरुले फिर्ता ल्याएको बताउनु भयो ।
काँग्रेसका युवा उम्मेदवार अमृतराज हमालले ३ हजार १८३ मत प्राप्त गर्दै वडा अध्यक्षमा निर्वा्चित हुनुभयो । उहा यसअघिको स्थानीय तहको निर्वाचनमा नेकपाका चतुरमान गुरुङसंग ६४ मतको झिनो अन्तरले पराजित हुनु भएको थियो । यस्तै प्रतिद्धन्द्धी सत्तारुढ दल नेकपाका उम्मेदवार भक्तराज हमालले २ हजार ८७५ मत प्राप्त गर्नु भयो । भरतपुर १६ मा ८ हजार ४ सय ८१ मतदाता रहेकोमा ६ हजार २ सय ५० मत खसेको थियो ।
प्रतिक्रिया दिनुहोस
सफल खबर संवाददाता
आइतबार, १५ मंसिर २०७६, १५ : ३१
लेखकबाट थप
सम्बन्धित समाचारहरु
काँग्रेसलाई पूर्ण बहुमत आउने गरी अभियान थाल्न पूर्वकर्मचारीलाई देउवाको निर्देशन
रुसी सेनामा गएका नेपालीको अवस्थाबारे परराष्ट्रले जवाफ दिनुपर्छ : प्रदीप पौडेल
एमालेलाई देउवाको प्रश्न : मदन भण्डारीको हत्यारा पत्ता लगाउन काँग्रेसले रोक्या छ ?
देउवाले बोलाए शीर्ष नेताहरूको बैठक
कांग्रेस सहकारी पिडितको पक्षमा दृढतापूर्वक उभिन्छ, सरकार गैरजिम्मेवार भयो : देउवा
पहिचानको मुद्दालाई कांग्रेसले सम्हालेर अगाडि बढाउँछ : महामन्त्री थापा