Safal Khabar - चितवनका मुस्लिम समुदायले १४९१ औँ मोहम्मद जयन्ती यसरी मनाए
बुधबार, ०८ माघ २०७६ (Wednesday, 22 January, 2020)
चितवनका मुस्लिम समुदायले १४९१ औँ मोहम्मद जयन्ती यसरी मनाए
आइतबार, २४ कार्तिक २०७६, १५ : ५९
चितवनका मुस्लिम समुदायले १४९१ औँ मोहम्मद जयन्ती यसरी मनाए

चितवन । मुस्लिम समुदायले चितवनमा पनि १४९१ औँ मोहम्मद जयन्ती विभिन्न कार्यक्रम गरी मनाएका छन् । इस्लाम धर्मका प्रवद्धक पैगम्बर महम्मदको जन्म दिनको अवसरमा चितवनका मुस्लिम समुदायले मस्जितमा पुजापाठ गर्नुका साथै शुभकामना आदानप्रदान गरी मनाएका हुन् । 

भरतपुरमा रहेका विभिन्न मस्जितले आज दिउँसो ¥यालि निकालेको थियो । ¥यालिमा मुस्लिम समुदायका बालबालीकादेखि युवा तथा वृद्धवृद्धा व्यक्तिहरु राष्ट्रिय झण्डा, मुस्लिम झण्डा तथा प्लेकार्डसहित सहभागि भएका थिए । 

एकै ठाँउमा जम्मा भएर खाने तथा एकआपसमा शुभकामना आदानप्रदान गरी मनाइरहेको भरतपुर ११ मा रहेको नुरी जामे मस्जिदका कोषाध्यक्ष फुलसरीत मियाले बताए । उनका अनुसार चितवनमा करिव १० हजार पुस्लिम समुदाय बसोबास गर्छन । प्रदेश नं. २ सरकारले मोहम्मद जयन्तीको अवसरमा सार्वजनिक विदा दिएको छ । 

पैगम्बर महोमद्लाई इस्लाम धर्मावलम्बीले इस्लाम धर्मको संस्थापको रूपमा मान्दछन् । सन् ५७१ अप्रिल २२ मा साउदी अरबको मक्कामा जन्मिएका उनको सन् ६३२ जुन ८ मा साउदी अरबको मदिनामा निधन भएको थियो ।
 

Yeti Diistillery
nic asia

प्रतिक्रिया दिनुहोस