काठमाडौं । टेलिभिजन प्रस्तोता रवि लामिछानेलाई पुर्पक्षका लागि थुनामा राख्ने या नराख्ने टुंगो यसै हप्ता लाग्न सक्ने बताइएको छ ।
सरकार वकिलले यसै हप्ता उच्च अदालत हेटौंडामा निवेदन दिएर शालिग्राम पुडासैनी आत्महत्या दुरुत्साहनको मुद्यामा पुर्पक्षका लागि थुनामा राख्न निवेदन दिएपछि यसको सुनुवाई हुँदैछ ।
_20231127105311.gif)
सुनुवाईपछि निवेदनबारे उच्च अदालतले आदेश दिनेछ । यसअघि चितवन जिल्ला अदालतले उनलाई धरौटीमा रिहा गर्ने आदेश दिएपछि रिहा भएका थिए ।
रिहाको विरुद्धमा सरकारी वकिल निवेदनसहित उच्च अदालत पुग्यो । उनीविरुद्ध फैसला भए चितवन कारागार चलान हुने सम्भावना रहन्छ । पक्षमा फैसला भए उनी निर्दोष भई विगतमा झै सक्रिय रहन सक्नेछन् । तर, मुद्यासम्बन्धित विषयमा उनी बोल्न पाउने छैनन् ।
यसैगरी, रवि लामिछानेकी पूर्वपत्नी इशा लामिछाने नेपाल आउँदैछिन् । उनी असोजको दोस्रो हप्ताभित्र नेपाल आउने बुझिएको छ ।
पत्रकार शालिकराम पुडासैनी आत्महत्या प्रकरणमा मुछिएका सञ्चारकर्मी रवि लामिछाने ५ लाख धरौटीमा छुटेका थिए।
जिल्ला अदालत चितवनका रजिष्टार रुद्रमणि गिरीले लामिछानेलाई ५ लाख, सञ्चारकर्मी युवराज कँडेललाई ३ लाख र नर्स अस्मिता भनिने रुकु कार्कीलाई साधारण तारेखमा छाड्न आदेश दिएका थिए ।
शालिकराम साउन २० गते चितवनको एक होटल मृत अवस्थामा फेला परेका थिए ।
प्रतिक्रिया दिनुहोस