दाउन्नेमा पहिरो, पूर्वपश्चिम राजमार्ग एकतर्फी सञ्‍चालन

चितवन। सडक विस्तार भइरहेको पूर्व-पश्चिम राजमार्गको दाउन्नेमा पहिरो जाँदा राजमार्ग केहीबेर अवरुद्ध भए पनि एकतर्फी रुपमा सञ्चालनमा आएको छ ।

जिल्ला प्रहरी कार्यालय पूर्वी नवलपरासीले दिएको जानकारी अनुसार विनयी त्रिवेणी गाउँपालिका -२ दाउन्नेमा पहिरो खसेपछि केहीबेर राजमार्ग अवरुद्ध भएपनि अहिले एकतर्फी रुपमा सञ्‍चालनमा आएको आयोजनाका सूचना अधिकारी शिव खनालले बताए ।

उनले भने, ‘ सडक विस्तार आयोजना पूर्वीखण्डमा रहेको पहिरो हटाइयो । तर एक सवारी साधन सडकमै बिग्रिएको कारणले एकतर्फी मात्रै सञ्‍चालन गर्न सकेका छौं।’ यसअघि दाउन्नेको विश्वकर्मा मन्दिर नजिकै दिउँसो पौने १ बजेतिर पहिरो झरेपछि राजमार्ग दुईतर्फी अबरुद्ध भएको थियो ।  लगत्तै बुटवल नारायणगढ सडक विस्तार आयोजनाले पहिरो पन्छाउको थियो ।