फूलबारी युथ बन्यो फूलबारी राइनो फुटबलको च्याम्पियन

भरतपुर  । फूलबारी थुथ क्लबले प्रथम फूलबारी राइनो एट ए साइड खुल्ला नकआउट फुटबल प्रतियोगिताको उपाधि जितेको छ |  उपाधि भिडन्तमा खेलकुद विकास समिति भरतपुर ६ लाई हराउँदै फूलबारी युथ च्याम्पियन बनेको हो । श्रीपुर खेल मैदान भरतपुर १५ मा भएको फाइनलमा फूलबारी ४-१ ले विजयी भयो । 

फूलबारी युथका रोशन क्षेत्री फाइनलको प्लेयर अफ दि म्याच भए । च्याम्पियन बनेको फूलबारीले उपाधिसहित ४० हजार रुपैयाँ प्राप्त गरेको छ । उता उपविजेतामा सीमित भरतपुर ६ ले २० हजार रुपैयाँमा चित्त बुझाएको छ । 

फूलबारीका सुशान्त गुरुङ प्रतियोगिताभरको उत्कृष्ट खेलाडी घोषित भए । यस्तै भरतपुर ६ का मन्नु कुमाल सर्वाधिक गोलकर्ता, भरतपुर ६ कै निशान्त थापा मगर उत्कृष्ट गोलकिपर तथा फूलबारी राइनो युथ एसोसिएसन निलोका कर्मा तामाङ राइजिङ प्लेयर बने । उनीहरुले जनही २५ सय प्राप्त गरे । फूलबारी राइनो युथ एसोसिएसनको आयोजनामा सम्पन्न प्रतियोगितामा १६ टोली सहभागी थिए ।