प्रदेश सरकार थप प्रभावकारी रूपमा सञ्चालन हुनुपर्छ: गगन थापा

काठमाडौँ । नेपाली काँग्रेसका महामन्त्री गगन थापाले प्रदेश सरकार थप प्रभावकारी रूपमा सञ्चालन हुनुपर्ने बताएका छन् ।

आज नवलपरासीमा नेपाली काँग्रेसद्वारा आयोजित पार्टीको प्रथम क्षेत्रिय सम्मेलनमा सम्बोधन गर्दै थापाले संघीय सरकारले उचित रूपमा समन्वयकारी भूमिका निर्वाह गरी प्रदेश सरकारले जनमैत्री काम गर्नुपर्नेमा जोड दिएका हुन् ।

सो अवसरमा बोल्दै थापाले अबको आवश्यकता देशको आर्थिक संवृद्धि रहेकोले यसका लागी सबै दल मिलेर देशको आर्थिक विकासमा लाग्नुपर्नेमा जोड दिए । २०४८ साल देखी हालसम्म आउँदा देशको विभिन्न विकास निमार्णको कामको नेतृत्व काँग्रेसले गरेको दाबी गरे ।

देशमा अब रोजगारी सृजना गर्ने मुख्य चुनौतीको विषय रहेको सबै मिलेर देशमा नयाँ आर्थिक क्रान्तिसँगै रोजगारी सृजनामा जोड दिनुपर्ने बताए । सो अवसरमा बोल्दै थापाले राजनीतिक दलहरूले आम नागरिकलाई साथ लिएर अगाडी बढ्नुको विकल्प नरहेको दाबी गरे ।

राजनीतिक दलहरू प्रति देखिएको निराशा जनक अवस्थालाई मध्यनजर गर्दै संघ, प्रदेश र स्थानीय तह गरी तिन तहको सरकारले जनमैत्री र जनता भरोसा दिलाउने तरीकाले काम गर्नुपर्ने सुझाव दिए ।