रुपन्देहीमा लागु औषधसहित एक जना पक्राउ

बुटवल । रुपन्देहीमा  प्रहरीले लागु औषधसहित एक जनालाई पक्राउ गरेको छ । बुटवल उपमहानगरपालिका– १० चौराहाबाट अवैध लागु औषधसहित नवलपरासी  प्रतापपुर गाउँपालिका गोपीगन्ज निवासी २८ वर्षीय मनिराम चमारलाई पक्राउ गरेको हो ।

लागुऔषध कारोबार भइरहेको गोप्य सूचनाका आधारमा वडा प्रहरी कार्यालय रुपन्देही र लागुऔषध नियन्त्रण ब्युरो शाखा कार्यालय भैरहवाबाट खटिएको संयुक्त टोलीले लु १५ प २७९३ नं को मोटरसाइकल चेक जाँचका क्रममा उनलाई पक्राउ गरिएको रुपन्देही प्रहरीका सूचना अधिकारी एवं प्रहरी नायव उपरीक्षक सुरज कार्कीले जानकारी दिएका छन् ।

उनको साथबाट फेनरागन १ हजार एमपुल, डाईजेपाम १ हजार एमपुल, नुफिन १ हजार एमपुल र लु ९५ प २७८३ नं को मोटरसाइकल एक थान बरामद भएको प्रहरीको भनाई छ । उनलाई  इलाका प्रहरी कार्यालय बुटवलमा राखी अनुसन्धान भइरहेको प्रहरीले जनाएको छ ।