सहकारी संस्थाले बैंकबाट ऋण लिन पाउने

काठमाडौ । नेपाल राष्ट्र बैंकले बचत तथा ऋण कारोबार गर्ने सहकारीका लागि जारी गरेको मापदण्डको मस्यौदामा सो प्रस्ताव गरिएको छ । 

अहिले सहकारीले बैंक तथा वित्तीय संस्थाबाट ऋण लिन पाउने अवस्था नरहेकोमा मापदण्डबाट नयाँ व्यवस्था गर्न लागिएको हो । 

प्रस्तावित मस्यौदामा सहकारीले कुल सम्पत्तिको ५ प्रतिशत वा कुल पुँजीकोषको शतप्रतिशतमध्ये जुन कम हुन्छ त्यो सीमासम्म ऋण लिनसक्ने व्यवस्था गरिएको छ ।

सहकारीले प्रारम्भिक पुँजीकोषको १५ गुणासम्म बचत गर्नसक्ने तथा प्राथमिक पुँजीकोषको १५ प्रतिशतसम्म मात्रै एउटा सदस्यलाई ऋण दिनसक्ने व्यवस्था गरिएको हो ।