रोल्पामा निर्माणाधीन झोलुङ्गे पुलको पर्खाल भत्किँदा ४ जनाको मृत्यु

रोल्पा। रोल्पामा निर्माणाधीन झोलुङ्गे पुलको टेवा पर्खाल भत्किँदा ४ जनाको मृत्यु भएको छ। सुनछहारी गाउँपालिका वडा नम्बर ३ मा निर्माणाधीन झोलुङ्गे पुलको टेवा पर्खाल भत्किँदा ४ जनाको मृत्यु भएको जिल्ला प्रहरी कार्यालय रोल्पाले जनाएको छ ।

जिल्ला प्रहरी कार्यालय रोल्पाका इन्सपेक्टर विजय चापागाईँका अनुसार पर्खाल भत्किँदा ५ जना पुरिएको जानकारी आएको थियो । तर अहिलेसम्म चार जनाको शव निकालिएको उनले जानकारी दिए ।इन्सपेक्टर चापागाईँका अनुसार दुई महिला र दुई पुरूषको  शव निकालिएको छ। 

मौलाबाङ र बाहिरी गाम जोड्न झोलुङ्गे पुल निर्माणको काम चलिरहेको थियो।