सिजनमै धान तथा चामल आयात, महिना दिनमा २ अर्ब रुपैयाँ खर्च

काठमाडौँ । मुख्य सिजनमा नै धान तथा चामल आयात भएको पाइएको छ । नेपालमा असोज, कार्तिक, मङ्सिर महिनामा धान भित्र्याउने सिजन हो । तर सरकारी तथ्याङ्कले भने खेतबाट धान भित्र्याउने सिजनमा बाहिर मुलुकबाट ठुलो रकम बराबरको धान आयात भएको देखाएको हो ।

चालु आर्थिक वर्ष २०८१/०८२ को चार महिनामा ६ अर्ब रुपैयाँ बढी रकमको १ लाख मेट्रिक टन धान र चामल आयात भएको छ ।गत कार्तिकमा अर्थातमा चालु आर्थिक वर्षको तीन महिनामा ४ अर्ब  ६० करोड ५२ लाख करोड रुपैयाँ बराबरको ७४ हजार ३३ मेट्रिक टन धान र चामल आयात भएको थियो ।

एक महिनाको अवधिमा मात्रै २ अर्ब रुपैयाँको धान र चामल आयात भएको छ । सो रकम बराबर चार महिनामा १ लाख १७ हजार मेट्रिक धान तथा चामलको आयात भएको भन्सार विभागको तथ्याङ्कमा उल्लेख छ । सो चामल र धान बराबर ६ अर्ब ९६ करोड ६७ लाख ४७ हजार रुपैयाँ बाहिरिएको छ ।