काठमाडौं । लोक सेवा आयोगको चौथो राष्ट्रिय सम्मेलनले प्राविधिक तथा अप्राविधिक पदहरुका परीक्षाको पाठ्यक्रम परिमार्जन गर्ने निर्णय गरेको छ ।
लोक सेवा आयोगले पदपूर्ति गर्दा लिने विभिन्न परीक्षाको पाठ्यक्रम पुरानो ढर्राको भएको भन्दै आलोचना भइरहेको बेला कर्णाली प्रदेशको सुर्खेतमा आयोजित चौथो राष्ट्रिय सम्मेलनले पाठ्यक्रममा सुधार र परिमार्जन गर्ने निर्णय गरेको हो ।
विहीबार सार्वजनिक १३ बुँदे निर्णयको पहिलो बुँदामा लेखिएको छ, ‘लोक सेवा आयोगहरुबाट पदपूर्ति गरिने विभिन्न सेवा, समूह, उपसमूह, श्रेणी वा तह र पद (प्राविधिक र अप्राविधिक) का पाठ्यक्रममा समसामयिक सुधार र परिमार्जन गर्ने ।’
लोक सेवा आयोगका अध्यक्ष माधवप्रसाद रेग्मीले केन्द्र र प्रदेश लोक सेवा आयोगबाट सञ्चालन हुने परीक्षाको पाठ्यक्रममा एकरुपता कायम गर्दै आधुनिक समयको माग अनुसारका कर्मचारी छनोट गरी नियुक्तिका लागि सिफारिस गर्नसक्ने प्रकृतिको बनाउनुपर्ने आवश्यकता बोध भएका सुर्खेत सम्मेलनबाट उक्त निर्णय गरिएको बताए ।
उनले अनलाइनखबरसँग भने, ‘प्रदेशको आ–आफ्नो अधिकार क्षेत्र हो भन्ने मात्र कुरा नगरेर, आफ्नो विशेषता अनुसार फरक गर्नुपर्ने कुरामा सामान्य फरक पनि गर्ने र मूल रुपमा एकरुपता कायम गर्नुपर्ने ठाउँमा एकरुपता कायम गर्दै समग्र मुलुकलाई ध्यानमा राखेर पाठ्यक्रम बनाउने हो ।’
प्रतिक्रिया दिनुहोस
सफल खबर संवाददाता
विहीबार, २४ फागुन २०८०, २० : ०२
लेखकबाट थप
सम्बन्धित समाचारहरु
लोक सेवा आयोगले समयानुकूल जनशक्ति व्यवस्थापनमा सुधार गर्ने
बागमती प्रदेशमा एकैपटक ११ सयभन्दा बढी कर्मचारी माग (सूचना सहित)
लोक सेवा आयोगले गर्यो ४५ जनालाई कारबाही
लोक सेवा आयोगको विश्वसनीयता अभिवृद्धिमा मेहनत गर्न राष्ट्रपतिको सुझाव
मधेश प्रदेश लोक सेवा आयोगले माग्यो १७ जना अधिकृत
डाटा हराएपछि लोक सेवा आयोगले पुनः माग्यो आवेदन