चितवन । भरतपुर महानगरपालिकाकी प्रमुख रेनु दाहालले बालबालिकाको क्षेत्रमा महानगरपालिका संवेदनशील रहेको बताएकी छन् ।
प्रहरी नागरिक साझेदारी अभियानको भरतपुर-५ मा शनिबार आयोजित दोस्रो साधारण सभा तथा पहिलो अधिवेशनलाई सम्बोधन गर्दै उनले महानगरपालिकाले बालबालिका क्षेत्रमा प्रभावकारी काम गर्दै आइरहेको बताइन् । शिक्षाबाट वञ्चित हुन नदिन अटिजम विद्यालय, पक्षाघात भएकालाई भरतपुर-२६ मा स्रोत केन्द्र सञ्चालनमा ल्याएको उनले बताइन् ।
यस्तै, बाबुआमा नभएका बालबालिकालाई सडकसम्म नआउन दिन महानगरले एसओएस स्कुललाई सिफारिस गरी निःशुल्क अध्ययनको व्यवस्था मिलाउन महानगर र विद्यालयबीच सम्झौता भएको समेत उनले बताइन् ।
‘राज्यले एक्लै गर्नुपर्ने कार्य सबैको साथ सहयोगबाट भएको छ,’ उनले भनिन्, ‘भरतपुर महानगरबाट ठूलो सहयोग भएको छैन । संवेदनशील र अवस्थाअनुसार अझै बढी सहयोग गर्नुपर्छ । यहाँहरू खुसी भए पनि म भने खुसी छैन ।’ गर्नुपर्ने काम अझै धेरै रहेको जिकिर उनले गरेकी थिइन ।
प्रतिक्रिया दिनुहोस
सफल खबर संवाददाता
शनिबार, १३ माघ २०८०, १८ : ३८
लेखकबाट थप
सम्बन्धित समाचारहरु
भरतपुर भ्रमण वर्ष : राप्ती नदीमा छाडिए २० वटा घडियाल गोही
सर्वसाधारणको लागि खुला हुँदै दियालो बंगला, सञ्चालनको जिम्मा भरतपुर महानगरलाई
भरतपुर भ्रमण वर्ष सफल पार्न प्रमुख दाहालको आग्रह
मेयर रेनु दाहाल लन्डनमा ‘अन्तर्राष्ट्रिय मेयर अवार्ड’ थाप्दै
भरतपुर महानगर प्रमुख दाहाललाई बेलायत जान मन्त्रिपरिषद्ले दियो अनुमति
आगामी कार्यभार भरतपुरमा उद्यमशिलताको विकास : प्रमुख दाहाल