काठमाडौं। अखिल नेपाल फूटबल संघ (एन्फा)ले गरेको प्रमुख कार्यकारी अधिकृत (सीईओ) नियुक्तिविरुद्ध सोही संस्थाका वरिष्ठ उपाध्यक्ष वीरबहादुर खड्काले उजुरी दिएका छन् ।
एन्फा कार्यसमितिको पुस २ गते बैठकले एन्फाका पूर्वमहासचिव समेत रहेका संकटा क्लबका अध्यक्ष इन्द्रमान तुलाधरलाई सीईओमा नियुक्त गरेको थियो । त्यसको ठीक एक महिनापछि मंगलवार वरिष्ठ उपाध्यक्ष खड्काले एन्फा अपिल कमिटीमा उजुरी दर्ता गराएका हुन् ।
उजुरीमा वरिष्ठ उपाध्यक्ष खड्काले सीईओ नियुक्ति एन्फाको विधानविपरीत गैरकानूनी रुपमा भएको भन्दै बदर गर्न माग गरेका छन् ।
‘फागुन १७ गतेको कार्यसमितिको बैठकले सीईओ नियुक्ति सम्बन्धमा सूचना प्रकाशित गर्ने र पदपूर्ति समितिसमेत गठन गरेको अवस्थामा सचिवालयले उक्त निर्णयलाई कार्यान्वयन नगरी प्रक्रिया अगाडि नबढाएको र कर्मचारी सेवा सर्त नियमावली २०७७ को विपरित छ,’ उनले उजुरी दिएको पत्रमा भनिएको छ ।
प्रतिक्रिया दिनुहोस
सफल खबर संवाददाता
मंगलबार, ०२ माघ २०८०, १५ : २०
लेखकबाट थप