एजेन्सी । छिमेकी मुलुक युक्रेनसँगको युद्धमा होमिएको रुसको केन्द्रीय बैङ्कले १५ प्रतिशतले ब्याजदर बढाएको छ । समाचार संस्था बीबीसीका अनुसार रुसमा बढ्दो बजार महँगीलाई नियन्त्रणको लक्ष्यसहित केन्द्रीय बैङ्कले ब्याजदर बढाएको हो ।
रुसमा यतिबेला सरकारको प्रक्षेपणभन्दा अधिक मात्रामा बजार महँगी बढिरहेको छ । रुस सरकारले बजार महँगी २ प्रतिशत आसपासमा रहने प्रक्षेपण गरे पनि तोकिएको सीमाभन्दा धेरैले महँगी बढेको छ । सेप्टेम्बर महिनामा रुसमा बजार महँगी ६ प्रतिशतभन्दा धेरैले बढेको थियो ।
रुसको केन्द्रीय बैंक ‘द बैंक अफ रुसिया’ ले एकैपटक ७.५ प्रतिशतले ब्याजदर वृद्धि गरेको छ । ब्याजदर वृद्धि गर्नुको मुख्य लक्ष्य भनेको आन्तरिक बजारको मूल्यवृद्धिलाई नियन्त्रण गर्दै रुबललाई बलियो बनाउनु रहेको बताइएको छ । ब्याजदर वृद्धिसँगै आन्तरिक बजारमा खपत घटाउँछ ।
जसले दीर्घकालमा रुसको महँगीलाई नियन्त्रण गर्न मद्दत पुर्याउने अर्थविद्हरूको विश्लेषण छ । यसबाहेक, छिमेकी युक्रेनसँगको युद्धमा फसेपछि निरन्तर डलरसँग कमजोर बनिरहेको रुबललाई समेत बलियो बनाउने लक्ष्य केन्द्रीय बैङ्कको रहेको छ ।
प्रतिक्रिया दिनुहोस
सफल खबर संवाददाता
शनिबार, ११ कार्तिक २०८०, ११ : ५५
लेखकबाट थप
सम्बन्धित समाचारहरु
युक्रेनसँगको युद्धमा ५० हजार रुसी सैनिक मारिएको बीबीसीको दाबी
रुसद्वारा अंगारा–ए ५ अन्तरिक्ष रकेट सफलतापूर्वक प्रक्षेपण
युक्रेनमा रुसको हवाई हमला– ४ जनाको मृत्यु, ११ घाइते
रुसको एक कन्सर्टमा आक्रमण हुँदा ६० जनाको मृत्यु, १४५ बढी घाइते
रूस आणविक हतियार प्रयोग गर्न क्षमतावान छ : पुटिन
रुसले गरेको आक्रमणमा ३१ हजार युक्रेनी सैनिकको मृत्यु : जेलेन्स्की