हामी अरू पार्टीभन्दा फरक हौँ : माधव नेपाल

काठमाडौं । नेकपा (एकीकृत समाजवादी) का अध्यक्ष माधव नेपालले अहिले बढेको विकृतिको अन्त्य गर्न समाजवादी जागरण अभियान सुरू गरिएको बताएका छन् ।बुटवलमा आयोजित अन्तरक्रिया कार्यक्रममा बोल्दै उनले अहिले सबै पार्टी एउटै हुन् भन्ने भाष्य खडा गर्न खोजिएकोप्रति आपत्ति जनाए ।

उनले भने, ‘यहाँ हरेक क्षेत्र बिग्रेको छ । संसदीय फाँटमा पनि उस्तै छ । राज्य शक्तिमा शक्ति केन्द्रित हुँदा विकृति बढ्छ । समाजमा रहेका हरेक प्रकारका विसंगतीको अन्त्य गर्नु जिम्मेवार पार्टीको कर्तव्य हो । जसको सुरुवात हामीले गरेका छौँ। हाम्रो पार्टीले अगुवाइ गरेको छ । सबै उही र उस्तै हुन् भन्ने भाष्य गलत छ। सही होइन । राजनीतिमा हामी पनि छौँ। हामी अरूभन्दा फरक हौँ ।’

आफूहरूले विगतमा पनि राम्रो गरेको उल्लेख गर्दै वर्तमानमा पनि त्यसैलाई निरन्तरता दिने बताए ।