सुनसरीमा पानीमा डुबेर दुईजनाको मृत्यु

सुन्दरहरैँचा । सुनसरीका दुई छुट्टाछुट्टै स्थानमा पानीमा डुबेर दुईजनाको मृत्यु भएको छ । आइतबार रामधुनी नगरपालिका–२, तित्रिवन टोलका गुलुम मन्सुरका एक वर्षीय छोरा अमर खेल्ने क्रममा घर नजिकै रहेको नहरमा डुबेर अचेत भएका थिए । उनको उपचारको लागि  जिल्ला अस्पताल इनरूवा लैजानासाथ डाक्टरले मृत घोषित गरेका थिए ।

यसैगरी इटहरी उपमहानगरपालिका–४, मनकामना चोकमा पानीको ड्रममा डुबेर मृत्यु भएको छ । ज्येष्ठ नागरिकको मन्दिरमा पूजारीको काम गर्ने भोजपुरको टेम्केमैयुम–७ का ५५ वर्षीय केशव नेपालको डुबेर मृत्यु भएको जिल्ला प्रहरी कार्यालयले जनाएको छ ।