सन्दीप लामिछाने एसिया कप खेल्न जाने

काठमाडौं । नेपाली क्रिकेट टोलीका स्पिनर सन्दीप लामिछाने एसिया कप खेल्न जाने भएका छन् ।

एसिया कप क्रिकेटका लागि नेपाली टोली बुधबार कराँची पुगिसके पनि अदालती प्रक्रियाका कारण सन्दीप टिमसँग जान पाएका थिएनन् ।

सन्दीपको मुद्दाको पेशी आइतबारलाई तोकिएको छ । पछिल्लो एक वर्षदेखि १७ वर्षीय एक बालिकालाई बलात्कार गरेको आरोपमा सन्दीपले मुद्दा खेपिरहेका छन्

एसिया कप ३० अगष्टदेखि १७ सेप्टेम्बर सम्म हुनेछ । नेपाल, पाकिस्तान र भारत समूह ए मा छन् । समूह ‘बी’ मा बंगलादेश, श्रीलंका र अफगानिस्तान छन् ।