एकीकृत समाजवादीको बैठक सोमबार पनि जारी रहने

काठमाडौँ । नेकपा एकीकृत समाजवादीको पोलिटब्यूरो बैठक सोमबार पनि जारी रहने भएको  छ ।

आइतबार पार्टी कार्यालयमा बिहान ११ बजेदेखि सुरु भएको बैठक साँझ पौने ६ बजेसम्म जारी रहेर स्थगित भएको थियो । 

बैठक सोमबार बिहान ११ बजेदेखि पुनः सुरु हुने प्रचार विभाग प्रमुख जगन्नाथ खतिवडाले जानकारी दिए । 

उनका अनुसार आइतबारको बैठकमा २६ जना पोलिटब्युरो सदस्यले बोलेका छन् ।

यसअघि तय भएका  ७ एजेण्डामाथि उमेश डाँगी, कृष्ण पन्त, कृष्ण खनाल, गणेश बिके, गणेश काङवाङ, चिरञ्जिवी आचार्य, दिलु पन्त, धर्म निरौला, निरा जैरु, बसन्त मानन्धरलगायतले धारणा राखेको उनको भनाइ छ ।