यस्ता छन् ,रूख कटहर खानुको फाईदाहरु !

एजेन्सी । हामीले खाने प्राय खानेकुराहरूले हाम्रो शरिरलाई कुनै न कुनै रुपमा फाइदा गरिरहेकै हुन्छ । हामीलाई खाने फलफुलहरू त हाम्रा लागि निकै फाइदा जनक हुन्छन् । यस्तै, हाम्रो शरिरलाई निकै फाइदा दिने गर्छ । यस्तै, फाइदा दिने फलफुलमध्येको एक हो रूख कटहर । हामीले खाने फलफुलमा यो पनि एउटा यस्तो फलफुल हो जसले हाम्रो शरिरलाई फाइदा पुर्याउँछ ।

कहटरमा मात्र ०.६ ग्राम चिल्लो पदार्थ र ९५ क्यालोरी हुन्छ । यसमा ४ सय ४८ मिलिग्राम पोटासियम, २३ ग्राम कार्बोहाइड्रेड, १.५ ग्राम फाइबर, प्रोटिन १.७ ग्राम, भिटामिन बी १२ ग्राम र बी ६ र म्याग्नेसियम पाइन्छ ।कटहरका फाइदा के-के छन्ः 

> संक्रमणबाट जोगिन : यसमा भिटामिन सी र एन्टीअक्सिडेन्ट पाइने हुनाले शरिरमा हुने संक्रमणबाट बच्न र जुकाको समस्याबाट बच्न मद्धत गर्छ । इाइटमा एक कचौरा कटहरले तपाईको शरिरलाई चाहिने मात्रामा एन्टिअक्सिडेन्ट दिने गर्छ ।

> मधुमेहको सन्तुलन : उच्च मधुमेहका बिमारीका लागि कटहरको सेवन निकै फाइदाजनक हुन्छ । यसमा हुने रसायनले मधुमेहको मात्रालाई नियन्त्रण गर्नका लागि मद्धत गर्छ ।

> आँखाका लागि फाइदाजनक : कटहरमा गाँजरमा जस्तै, भिटामिन ए प्रसस्त मात्रामा पाइन्छ । यसको प्रयोगले आँखाको ज्योति बढाउन र रतन्धोबाट जोगाउन मद्धत गर्छ ।

> हाडका लागि फाइदाजनक : कटहरमा हुने पोटासियम, क्याल्सियम तथा अन्य पौष्टिक तत्वले शरिरको हाडलाई मजबुत बनाउन सहयोग गर्छ । उमेर बढ्दै जाँदा हाडमा देखिने समस्याबाट बचाउन समेत कटहरले मद्धत गर्छ ।

> थाइराइडबाट जोगाउँछ : यसमा हुने कपरको मात्राले शरिरको मेटाबोलिज्मलाई ठिक गर्छ र हर्मोनलाई सन्तुलित गर्छ । यसकारण थाइराइडको बिरामीका लागि यसको सेवन निकै फाइदाजनक हुन्छ ।

> पाचन प्रणालीका लागि : कटहरमा हुने फाइबरले शरिरको पाचन प्रणालीलाई सन्तुलित राख्न मद्धत गर्छ । कब्जियतको समस्याबाट बचाउन समेत यसको सेवन गर्नु निकै फाइदाजनक मानिन्छ ।

> तौल घटाउन : कटहरमा स्याचुरेटेड चिल्लो पदार्थ निकै कम मात्रामा हुन्छ । यसले तपाईको शरिरको तौल बढ्न दिँदैन । डाइटिङका क्रममा कटहरको सेवन गर्नु निकै फाइदाजनक मानिन्छ ।

> उच्च रक्तचाप नियन्त्रण : एक कप कटहरमा यति धेरै पोटासियम हुन्छ कि यसले सोडियमको मात्रालाई घटाउन मद्धत गर्छ । यस्तै, यसले शरिमा रगतको प्रवाहलाई सुचारू राख्नका लागि मद्धत गर्छ । रक्त चापका बिमारीका लागि यो निकै फाइदाजनक हुन्छ ।

> शक्तिका लागि : कटहरमा पाइने आइरन तथा अन्य पोषक तत्वले एनिमियाबाट मुक्त गर्न मद्धत गर्छ भने शरिरमा शक्ति दिन समेत निकै फाइदाजनक हुन्छ ।