भायानेटकी सीईओ सेवा पाठक सम्मानित

काठमाडौं।भायानेट कम्युनिकेशन लिमिटेडकी सीईओ सेवा पाठक बोहरा व्यावसायिक महिला २०२३ बाट सम्मानित भएकी छिन् । ‘स्ट्यान्डर्ड चार्टर्ड प्रिजेन्ट्स न्युबिज बिजनेस वुमन समिट एण्ड अवार्ड २०२३’ मा आयोजित एक समारोहमा उनी सम्मानित भएकी हुन् ।

उत्कृष्ट नेतृत्व, आईएसपी क्षेत्रमा आविष्कार र महिला सशक्तीकरणको लागि उनको अटल प्रतिबद्धता रहेको छ ।सीईओ बोहरा चार्टर्ड एकाउन्टेन्टदेखि नेपालको प्रमुख मध्यको एक आईएसपी कम्पनीको नेतृत्वसम्मको यात्रामा समर्पित छिन् ।

सन् २०११ मा नेपालमा पहिलोपटक फाइबर टु द होम (एफटीटीएच) प्रविधि सञ्चालनमा ल्याउने टोलीको अभिन्न अंगको रूपमा उनले नेपाली घर–घरमा इन्टरनेट जडानको अनुभव गर्ने तरिकामा क्रान्तिकारी परिवर्तन गर्न महत्वपूर्ण भूमिका निर्वाह गरिरहेकी छिन् ।

सीईओ बोहराको दूरदर्शी मार्गदर्शनमा, भायानेट कम्युनिकेसन लिमिटेडले ९० शहरहरूमा आफ्नो नेटवर्क विस्तार गरेको छ । ५१ शाखाहरू स्थापना गरेको छ भने १५०० भन्दा बढी कर्मचारीहरूलाई रोजगारी दिएको छ । 

भायानेट कम्युनिकेशन लिमिटेडमा बोहराको नेतृत्वले नवप्रवर्तन र ग्राहक सन्तुष्टिको लागि अथक प्रयासलाई अघि बढाएको छ ।कम्पनी अत्याधुनिक उत्पादन र सेवाहरू प्रदान गर्न समर्पित छ जसले आफ्ना ग्राहकहरूको विकासशील आवश्यकताहरू पूरा गर्दछ ।

भरपर्दो र उच्च गतिको इन्टरनेटलाई देशका विभिन्न शहर र दूर दराजमा समेत सेवा विस्तार गरेर व्यक्ति र व्यवसायहरूलाई डिजिटल युगमा फस्टाउन सक्षम बनाउँदै सिमलेस कनेक्टिभिटी सुनिश्चित गर्ने भायानेटको निरन्तर प्रयास छ ।