दोहोरो नागरिकता लिएको अभियोगमा महिला र पुरुष पक्राउ

काठमाडौ । कञ्चनपुरमा दोहोरो नागरिकता लिएको अभियोगमा प्रहरीले दुईजनालाई पक्राउ गरेको छ।

पक्राउ पर्नेमा बैतडीको पञ्चेश्वर गाउँपालिका–५ का ३९ वर्षीया कलावती चन्द र ५८ वर्षीय गम्भीर चन्द छन्। 

जिल्ला प्रहरी कार्यालय कञ्चनपुरका प्रहरी नायब उपरीक्षक प्रकाश डाँगीका अनुसार दुवै जनाविरुद्ध  दोहोरो नागरिकतासम्बन्धी जाहेरी दर्ता भएपछि उनीहरुलाई पक्राउ गरिएको हो।

कञ्चनपुर जिल्ला अदालतबाट म्याद थप गरी उनीहरुबारे अनुसन्धान अघि बढाइएको छ।