हिमालयन र सिभिल बैंकको एकीकृत कारोबार आजबाट सुरु

काठमाडौँ । हिमालयन बैंक र सिभिल बैंकले शुक्रबारदेखि एकीकृत कारोबार सुरु गरेका छन् । हिमालयन बैंकले सिभिल बैंकलाई प्राप्ति गरेर आज फागुन १२ गतेबाट एकीकृत कारोबार सुरु गरेको हो।

दुवै एक भएपछि हिमालयन बैंकको नामबाट एकीकृत कारोबार सुरु भएको छ। दुवै बैंकको पुस २८ गते सम्पन्न साधारण सभाले हिमालयन बैंकले र सिभिल बैंकलाई प्राप्ति गर्ने प्रस्ताव पारित गरेको थियो। हिमालयनले सिभिललाई १००ः८०.२८ अनुपातमा प्राप्ति गरेको हो।

हिमालयन बैंक र सिभिल बैंकबीच गत असार २९ गते प्रारम्भिक सम्झौता पत्रमा हस्ताक्षर भएको थियो। सिभिल बैंकलाई प्राप्ति गरेपश्चात् हिमालयन बैंकको पुँजी ३४ अर्ब रुपैयाँ पुगेको छ।

सिभिल प्राप्तिसँगै हिमालयन बैंकको कुल १८९ वटा शाखा पुगेको छ ।