कांग्रेसले प्रधानमन्त्री दाहाललाई विश्वासको मत दिएर गल्ती गर्‍याे: शेखर कोइराला

काठमाडौं । नेपाली कांग्रेसका नेता शेखर कोइरालाले प्रधानमन्त्री पुष्पकमल दाहाललाई विश्वासको मत दिएर कांग्रेसले गल्ती गरेको बताएका छन ।

आइतबार बिहान संस्थापनइतर समूहका नेताहरूसँगको जारी बैठकलाई सम्बोधन गर्दै उनले यस्तो बताएका हुन । नेता कोइरालाले विश्वासको मत दिएर कांग्रेसले गल्ती गरेको बताए । उनले आफूले तटस्थ बसौं भनेर प्रस्ताव राखेको स्मरण समेत गरे ।

तर आफूले कार्य सम्पादन समितिमा राखेको प्रस्तावको पार्टीले सुनुवाई नै नगरी बहुमतले निर्णय गरेर प्रधानमन्त्री दाहाललाई विश्वासको मत दिइएको उहाँको भनाइ थियो । बहुमतले विश्वासको मत दिने निर्णय गरेपछि त्यसलाई मान्नु पर्ने बाध्यता समेत भएको उनले बताए ।

कांग्रेसका सभापति शेरबहादुर देउवाको प्रस्तावमा कांग्रेस केन्द्रीय कार्य समिति बैठकले प्रधानमन्त्री दाहाललाई विश्वासको मत दिने निर्णय गरेको थियो ।