काठमाडौं । नेपाल टी ट्वान्टी क्रिकेट लिगमा आजदेखि प्लेअफको खेल सुरु हुँदैछ । प्लेअफको पहिलो दिन आज पहिलो क्वालिफायरमा लुम्बिनी अल स्टार र जनकपुर रोयल्स खेल्दैछन् । खेल कीर्तिपुर मैदानमा मध्यान्न साढे १२ बजेदेखि सुरु हुनेछ ।
लुम्बिनी अंकतालिकाको शीर्ष र जनकपुर दोस्रो स्थानमा छ । लुम्बिनीले १० खेलमा १६ अंक जोडेको छ भने समान खेल खेलेको जनकपुरको १४ अंक छ ।यो खेलको विजेता सिधै फाइनलमा पुग्नेछ । पराजित हुने टोलीले सोमबार हुने इलिमेटर खेलको विजेतासँग फाइनलमा पुग्न खेल्नेछ । सोमबार विराटनगर र काठमाडौंबीच एलिमिनेटर हुनेछ ।
_20231127105311.gif)
मंगलबार दोस्रो क्वालिफायर्स र फाइनल खेल बुधबार हुनेछ । यस लिगको विजेताले ५५ लाख पाउने छ भने उपविजेताले ३० लाख नगद पुरस्कार प्राप्त गर्दा तेस्रो हुनले १० लाख र चौंथोले पाँच लाख पाउने छ ।
पहिलो संस्करणको लिगमा काठमाडौं नाइट, पोखरा एभेन्जर्स, फार वेस्ट युनाईटेड, जनकपुर रोयल्स, विराटनगर सुपर किंग्स र लुम्बिनी अल स्टार गरी ६ टिमको सहभागीता रहेका छन् ।
प्रतिक्रिया दिनुहोस
सफल खबर संवाददाता
आइतबार, २४ पुस २०७९, १२ : १७
लेखकबाट थप