बस र मोटरसाइकल ठोक्किँदा एकजनाको मृत्यु

काठमाडौं । काठमाडौंको हलचोकमा भएको सवारी दुर्घटनामा मोटरसाइकल चालकको मृत्यु भएको छ ।

धादिङ घर भई काठमाडौं महानगरपालिका–१४ बस्दै आएका ३४ वर्षीय प्रतीक बास्कोटाको मृत्यु भएको हो ।

दुर्घटनामा गम्भीर घाइते भएका उनको उपचारका क्रममा स्वयम्भूस्थित मनमोहन अस्पतालमा मृत्यु भएको जनाइएको छ ।

बिहीबार साँझ करिब पौने ६ बजे बा५ख ६९५ नम्बरको बस र बा७८प २६८७ नम्बरको मोटरसाइकल आपसमा ठोक्किएका थिए । बस चालकलाई नियन्त्रणमा लिइएको प्रहरी वृत्त स्वयम्भूले जनाएको छ ।