कस्तो रहला आज दिनभरको मौसम ?

काठमाडौं । हाल देशभर उल्लेखनीय मौसमी प्रणाली नरहेको जल तथा मौसम पूर्वानुमान महाशाखाले जनाएको छ । महाशाखाका अनुसार सोमाबार बिहान उच्च पहाडी भूभागहरूमा आंशिक बदली रही अन्य भूभागमा मौसम सामान्यतया सफा रहेको छ। 

दिउँसो भने प्रदेश नं १, बागमती प्रदेश, र गण्डकी प्रदेशका पहाडी  भूभागका थोरै स्थानमा आंशिक बदली रहने छ । तर, बाँकी  भूभागमा मौसम सामान्यतया सफा रहने महाशाखमाको भनाइ छ । 

यस्तै राति  प्रदेश नं १ र बागमती प्रदेशका पहाडी  भूभागका थोरै स्थानमा आंशिक बदली रहि बाँकी  भूभागमा मौसम सामान्यतया सफा रहनेछ।