माओवादी अध्यक्ष प्रचण्ड गोरखा- २ बाट प्रतिनिधिसभामा निर्वाचित

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्ड गोरखा क्षेत्र नं. २ बाट निर्वाचित भएका छन् ।

उनी १३ हजार भन्दा बढी मत अन्तरले प्रतिनिधि सभा सदस्यमा निर्वाचित भएका स्रोतले बतायो । प्रचण्डले २६१०३ मत प्राप्त गरेका छन् ।

उनका निकटतम प्रतिस्पर्धी राष्ट्रिय स्वतन्त्र पार्टीका कविन्द्र बुर्लाकोटीले १२६३७ प्राप्त गरे भने नेकपा एमालेका उम्मेदवार अब्दुस मिया  ७३९३ प्राप्त गर्दै तेस्रो स्थानमा रहे ।

निर्वाचन आयोगले भने मत परिणाम औपचारिक रुपमा सार्वजनिक गरेको छैन । माओवादी अध्यक्ष प्रचण्डले २०६४ यताका सबै चुनाव लगातार जित्दै आएका छन् । २०७४ को चुनाव चितवन क्षेत्र नम्बर ३ बाट जितेका उनले यसपटक गोरखा २ रोजेका थिए ।