रुसको कब्जाबाट मुक्त खेर्सनमा युक्रेनी सैनिकको स्वागत

एजेन्सी । युक्रेनले रणनीतिक रुपले महत्वपूर्ण दक्षिणी शहर खेर्सनमा सफलता हाँसिल गरेको छ । स्थानीय बासिन्दाले उत्साहका साथ युक्रेनी सैनिकलाई स्वागत गरेका छन् ।

रुसको कब्जामा रहेको सो क्षेत्रमा युक्रेनी सैनिक प्रवेश गर्न सफल भएको हो । त्यहाँबाट रुसी सैनिक फिर्ता भएका छन् । स्थानीय बासिन्साहरु सडकमा निस्किएर युक्रेनी झण्डा फहराउँदै गरेको भिडियोमा देखिएको छ । उनीहरुले युक्रेनी सैनिक आउँदै गर्दा हुटिङ्ग गरेको समेत सुनिएको छ ।

युक्रेनी राष्ट्रपति भोलोडिमिर जेलेन्स्कीले भनेका छन्, ‘खेर्सन हाम्रो शहर हो।’ गएको फेब्रुअरी २४ मा रुसले युक्रेनमाथि आक्रमण थालेयता रुसी सैनिकले कब्जा गरेको खेर्सन एकमात्र क्षेत्री राजधानी थियो । त्यहाँ युक्रेनी सैनिकको प्रवेशलाई जारी युद्धमा रुसका लागि ठूलो धक्काका रुपमा हेरिएको छ ।

रुसले ३० हजार सैनिक खेर्सनबाट निकालिएको जनाएको छ । यस्तै पाँच हजार भन्दा सैन्य सामग्री तथा हतियार पनि निकालिएको रुसी अधिकारीले बताएको अन्तर्राष्ट्रिय सञ्चारमाध्यमले जनाएका छन् ।