आज कहाँ–कहाँ छ वर्षाको सम्भावना ?

काठमाडौं । हाल नेपालमा मध्यपश्चिम बङ्गालको खाडी र आसपास रहेको न्यून चापीय क्षेत्रको प्रभाव रहेको जल तथा मौसम पूर्वानुमान महाशाखाले जनाएको छ । 

महाशाखाका अनुसार शनिबार बिहानैदेखि प्रदेश १ , बागमती, गण्डकी, लुम्बिनी र कर्णाली प्रदेशका थोरै स्थानहरूमा हल्का वर्षा भइरहेको छ। 

यस्तै दिउँसो  लुम्बिनी प्रदेश, कर्णाली प्रदेश र सुदूरपश्चिम प्रदेशका धेरै तथा बाँकी प्रदेशहरूका केही स्थानहरूमा मेघ गर्जनर  चट्याङ्गसहित वर्षाको सम्भावना रहेको छ। 

यस्तै राति कर्णाली र सुदूरपश्चिम प्रदेशहरूका धेरै र बाँकी प्रदेशहरूका थोरै  स्थानहरूमा वर्षाको सम्भावना रहेको छ ।  सुदूरपश्चिम प्रदेश  र  लुम्बिनी  प्रदेशका एक दुई स्थानमा भारी वर्षाको सम्भावनासमेत रहेको महाशाखाको भनाइ छ ।